A STRADA DI L'AVVENE

- Parolles -

Nouveau volet de l'expression descriptive... Les couleurs sont celles de l'époque... La revendication reste, la poésie et les qualités musicales aussi... Peu à peu, la légende se construit…

A strada di l'omu
A te pratendu
Terzetti di piuvanu
Un paisanu
Ditemi
Surella d'Irlanda
L'eletti
A strage di Bustanicu
Paghjella di Ponte Novu
Clandestinu

A Strada di l'Omu

(Parolle è Musica di Merle Travis/Addattazione di Ghj.P.Poletti)

À tè chi canti solu nantu à e sponde murtale
Tù chì pensi chi l'omu campa vicinu à u male
Tù chi cerchi l'eternu in un celu ammantatu
Tù chi credi in un mondu di miseria spugliatu

Ritunella:
Sappia chi a salvezza
Hè fatta di dulore
Ch'ùn esiste ricchezza
Chi campa più d'un fiore
Cum'è a lumera è l'ombra ch'ùn s'accordanu mai
Un ci hè amore umanu ch'ùn sia fatta di guai.

Tù chi cerchi a stella d'un populu spapersu
Cum'è un agrottu santu postu in l'universu
Tù chi cerchi e chjave di e cose suprane
Cum'è quellu esiliatu chi brama e so campane.

Riturnella:
Tù chi porti a to pena cerchendu un testimone
Cum'è l'incarceratu in le triste prigione
Tù chi cerchi furtuna campendu à straziera
Cum'è un paesu vivu chi si batte e chi spera.

À tè pratendu

(Parolle di Saveriu Valentini)

Dimmila tù, omu di a tarra,
Tù radica annudata dimmila,
U farru di a sottumissioni
Chì pesa in coddu à tè.
Tù chì hai campatu
Forti, com'è una petra bianca
Povaru com'è povara hè a miseria,
Mutu com'è u povaru hè mutu
Ma Corsu com'è u Corsu ùn hè più.

Dimmila tù, omu di a tarra
Causa di a me lotta, dimmila
U farru di a sottumissioni
Chì pesa in coddu à tè,
À tè pratendu,
Forti com'è una petra bianca
Povaru Nò ! Morghi oghji a miseria,
Mutu, più, oghji parlu pà tè
Corsu, si !
Com'è Corsu ùn hè più
Iè, libaru, quant'eddu si pò essa.

Terzetti di u piavanu

(Parolle di Marcu Ghjuvanni Turchini/1774/Partigiani di Pasquali Paoli, incarceratu in tulo/Musica tradiziunale di Sermanu)

Carissimu cuginu fidu amatu
Qusto piccolo foglio leggerai
E senterai il mio miseru statu

Si passa malamente la giornata
Moltu più quandu vene la sera
Che la luce del sole vene oscurata

Si passa la notta oscurata è nera
Senza lume pechè non hè concessu
Come se fosse una selvaggia fera.

Sono statu rifotto in cosi bassa stima
Ch'eo mi vergogno dei miei propri panni
Come quell'animale chiamato scimia.

In ogni muraglia si forma una spiscina
Ogni parte produce un largu fiume
Per mio tormento la mio maggior ruvina.

Paghjella

Ditemi

(Parolle è Musica di Ghj.T.Rocchi)

O Mà chì vulia ditti,
Troppu spessu stemu zitti,
Tù in un scornu è eu in quill'altru
Quantu ci manca lu passu
Di quellu chì ghjè quallà
Per azzicacci la pena
Sò ci parlessimu à pena
Tantu sò a verità
Ma sì muta o Mà,
Ma sì muta.

M'anu insignatu di ditu:
"Hè figliolu di banditu !"
Toccu quant'è mi sò intesu
Po cù lu mio pugnu tesu
Lu nostru populu offesu
Babbu sempre l'hà difesu
Quale di voi ùn la sà.
U lindumane à bon'ora
Tempu simu intrat'in scola
Nant'à lu nostru tavulone
Foscu più chè una prigione
Una manu di zitellu
C'avia postu un acellu biancu,
È scrittu: libertà !
Ma sì muta o Mà,
Ma sì muta.

Sai, avà, dettu lu corsu
Ci mettimu à parlà corsu
Emu tutti à u curughjolu
Un nome di macchjaghjolu.
Eiu, hai induvinatu
Portu lu nome di Babbu
Ch'elli c'anu incarceratu
Ch'elli c'anu incarceratu,
Ma sì muta o Mà,
Ma sì muta.

T'arricord'issa matina
I nostri sogni in pulvina
Ellu solu, elli sei
Manittatu mani è pedi
Po lu si, l'anu purtatu
Ghjustu s'ellu c'hà basgiatu
Quant'ellu era curagiosu
Babbu caru u to sposu,
Ma sì muta o Mà,
Ma sì muta.

Da u mio più prufondu sognu
Ogni ghjornu cresce un frombu
Ghjè quellu d'un aviò
Chì partendu à le prigiò
Mi sbranguleghja lu capu,
Mi trapaneghja lu core
Mi discetu è vecu à Babbu,
Incatinatu è prontu à more
È tù chì ùn vole parlà
Dimmi ch'ellu hà da vultà !
Dimmi ch'ellu hà da vultà !
Dite ch'ellu hà da vultà !

Surella d'Irlanda

(Parolle è Musica di Ghj.P.Poletti)

S'hè infiarata la mio rima chi n'aghju tamanta pena
Hè scritta nant'un giurnale a disgrazia chi ti mena
Ti casticheghja l'Inglese chi ti strigne la catena
Surella d'Irlanda.

Sò figliola di sta terra è aghju listessa sorte
La mio prigione hè francese è mute sò le so porte
È l'ordine culuniale mi hà cundannatu à morte
Surella d'Irlanda.

È to notte sò sangue è ammantate di dolu
Quandu ghjunghje la mitraglia qual'hè ch'ùn si sente solu
Una sera in Bastia m'anu pigliatu un figliolu
Surella d'Irlanda.

Paura ùn ne cunniscia chi figliolu era d'onore
Ma quandu l'anu intravatu s'hè strappatu lu mio core
Ma francaraghju lu mare per sparghje lu mio terrore
Surella d'Irlanda

Un ghjornu ci scriveremu quandu a pace turnerà
Quandu a mente sarà sciolta per pudecci abbraccià
È stu mondu d'inghjustizia ghjurgu ch'ellu cascherà
Surella d'Irlanda.

L'eletti

(Parolle è Musica di Canta u Populu Corsu)

Elli di li paesi
Ne facenu l'avvinta
Cù la so sciarpa cinta
Ci vulenu ingannà.

Rincantu:
Ùn andemu à vutà
Per sti purcellacci techji
Ùn li demu da manghjà
Ch'un ghjornu anu da crepà.

Pensanu à diritta
Si presentanu à manca
È nisunu si stanca
Di vedeli ingrassà.

Rincantu

Unu face la volpe
È l'altru la curnachja
È battenu la machja
Sempre pronti a furà.

Ricantu

Elli in ogni famiglia
Si strappanu una fetta
Per empie la sacchetta
Cume elli a sanu fà.

Rincantu

A strage di Bustanicu

(Parolle di Bartulumeu Dolovici/Musica di Ghj.P.Poletti )

Sott'un celu d'auturnu
Triste cume un son di cornu
Duie casce sò purtate

Mez'à tutti l'isulani
Citadin'è paisani
Duie casce sò passate

Ind'un stazzu muntagnolu
Dui omi d'un paisolu
Fianc'à fiancu sò cascati

Dui Corsi muntagnoli
Di sta terra i figlioli
Nu le casce sò chjinati

Dui fratelli pastori
Di sti lochi servidori
Funu trovi ammazzati

Corsi di la tradizione
À la terra di Cardone
Site stati arrubbati

Erate quelli puntelli
Di li casali è caselli
Oghje tombi cum'agnelli

Singhjozza u campanile
Sopr'à l'ultimu mandile
Sopr'à li nostri fratelli

Pienghje la pieve nustrale
Di lu Boziu immurtale
Pienghjenu li to zitelli

Un legiunariu assassinu
À Saveriu à Pasquinu
Hà toltu le chjare vite

Ti lagni cara Nazione
Un cambianu le stagione
E strage ùn so finite

Un ghjornu à l'attrecchjata
Una casa s'hè viutata
Si sò chjose duie fosse

À l'imbruni di stu ghjornu
E lumere à l'intornu
Curanu st'anime corse

Tutti quì simu commossi
Dui figliuloni Corsi
À l'eternu so andati
À l'eternu so andati

Paghjella di Ponte Novu

(Parolle di Canta u Populu Corsu/Musica Tradiziunale)

Sè tù passi per ste sponde
Pensa a salutà la croce.

Quì sò cascati l'antichi
Cantendu à alta voce.

Per difende a libertà
Contr'à u francese feroce.

Paghjella

Clandestinu

(Parolle è Musica di Ghj.P.Poletti)

T'aghju intesu caminà di bughju in la campagna
Caru fratellu di l'ombra ai la notte per cumpagna
Di ghjustizia sì vestutu per acciaccà la macagna.

Anu insischitu lu populu dopu l'affare d'Aleria
Hè ghjunta la forza armata cù i panni di a miseria
Sò sbarcati i so banditi a milizia vituperia

Senti u frombu chi si move da l'alte cime à lu pianu
Per ogni calzu di vigna sta armatu un paisanu
Tù ascosu in l'ombra pagna porti u tonu in la to manu.

A rivolta nasce in mè è porta lu mio destinu
Prestu spunterà lu ghjornu è ti saraghju vicinu
È dumane la to strada sarà mea clandestinu.

Haut de page