C'HÈ DINÙ

- Parolles -

"CANTA", au delà des musiques et des voix, a favorisé également l'essor de la poésie corse contemporaine... Dans cet album sont présentés quelques uns des plus beaux fleurons de cette littérature... Par la magie de la création, ils sont devenus générateurs de chansons magnifiques... Nostalgie, révolte, engagement, espérance, les mots décrivent tout cela... Et plus encore... Car ces chansons prennent à tout jamais le chemin du cœur ...

Un soffiu di libertà
A galuppà
Panicca nera
Lamentu di u prigiuneru
Lisa bedda
Scuttiscia
Companero
Rossignyol
Missaghju
Vergogna a tè
A preghera
Citadella da fà
Sonniu
Haika mutil
Scalanu
Lettera a Nicoli
Dio vi salvi maria
Scorsa la vita
A fiaccula di a vita

Un soffiu di libertà

(Ghj.P. Poletti)

Quandi u mare amurosu carezza le to sponde,
È chì l'aria s'infiara à l'imbruni di a terra.
M'incantanu e stagione chì azziganu e to stonde,
È l'ombra di a pace ch'invadisce la sera.
Cum'è un soffiu di libertà.

Quandi i venti d'inguernu scappanu à lu meziornu,
Nant'à e spiche mature intrecciate in'onde d'oru.
Vegu ballà una fiara nata in core di ghjornu,
È chì l'ochji di u vechju luce tale un tesoru.
Cum'è un soffiu di libertà.

Quandi u sognu d'oghje si mette in catalettu,
Di tutte e schjavitù di tutte e to ruine.
Sentu cantà una voce in fondu di u mio pettu,
Chì corre à chjamà l'anima da l'elpe à le marine.
Cum'è un soffiu di libertà.

Da le to mosse antiche à l'alba incatenata,
Da u fiore chì spunta à l'usciu di e prigione.
Viaghjà culore di lume a mente rivultata,
Di quellu chì ti cerca è ti scopre Nazione !
Per un soffiu di libertà !

A galuppà

(R. Alberti/Adattazione da Ghj. Fusina/P. Ibanez)

A terra,a terra, a terra di Corsica
U mare, a piaghja, a muntagna diserta
Galoppa cavallu sfrenatu
Si d'un populu natu
E sta terra hè a toia.

À galuppà, à galuppà
Sin'à lampalli ind'u mar'

Ribomba, ribomba, a terra di Corsica
È da e staffe ti ribomba in core
Galoppa cavallu sfrenatu
Sì di sciuma bagnatu
E sta terra hè a toia.

À galuppà, à galuppà
Sin'à lampalli ind'u mar'

Davanti, davanti ùn ci hè nimu
A morte ùn anscia più sè tù la piglii in groppa
Galoppa cavallu sfrenatu
Sì d'un populu natu
E sta terra hè a toia.

À galuppà, à galuppà
Sin'à lampalli ind'u mar'

Lamentu di u prigiunieru

(Tradiziunale di Rusiu)

Da ch'eo mi trovu
In prigione serratu
Chjamu la Musa
Ch'ella veng'al mio latu
Ma sì ella ùn hè cunfusa
Racunterà u mio passatu.

U capu in sena
Cù la manu à lu core
Pensu è ripensu
Cù qual'facciu l'amore
Ma più pensu à lu tenente
Ch'à li corsi ci ne vole.

Ciò ch'ellu vole
Di per mè ùn a sone
Di quattru corsi
N'hà messu trè in prigione
È pò ci hà spiccati à tutti
Privu di cunversazione.

Quellu chì resta
In prigiò c'hè digià statu
L'hà rasatu la testa
È pò dopu l'hà serratu
Face chì di quattru corsi
Più nisunu ùn s'hè scurdatu.

Paisanu eo
Chjamatu per cinqu'anni
Ne pregu à Diu
Sempre allegri passali
Ma lu latru s'hè vandatu
In galera vole mandami.

Li pugheranu
Li soi purgatoriu
S'ell'hà sapesse
Ch'eo scrivu nant'à stu fogliu
O lu mondu diceria
Ch'ell'ùn hà tamantu orgogliu.

Goffu è di cima
Di mezu pare un'imbutu
Da lu spinacciu
Ne fala à usu imbutu
O s'hè voi lu vidarete
O cum'ell'hè malfututtu.

Lisa beda

(Tradiziunale zicavese)

O Lisa bedda
Più d'una stedda
Cusì zitedda
Voglisti fugire
Ni pigliasti la via
Di Bonifaziu
Parchì eiu di tè
Ne fusti tantu saziu
È svegliati o Gianotti
Ùn aghju più russori
Parchi la nostra ninfa
Hè incù li vultisgiori.

Companero

(Natale Luciani)

Piove nant'à a vita
L'onda sguasserà
U sangue, a nutizia
D'ellu ùn ci serà

Piove nant'à u core
L'onda infangherà
Pientu é rumore
Ma chì si pò fà ?

Ricantu

Una manera di cantà la storia
Una manera di fà ch'ogni loca
Per tè companero
S'innalza una manu
Di fraternità

Piove nant'à a vita
L'onda benistà
Sumenta ardita
Chì spunta dighjà

Ricantu

Una manera di cantà la storia
Una manera di fà ch'ogni loca
Per tè companero
S'innalza una manu
Di fraternità

Rossignyol

(Tradiziunale Catalanu)

Rossignyol que vas a Palma rossignyol
Encomana a la mare rossignyol
D'un bel bocatge, rossignyol
D'un vol.

Encomana a la mare rossignyol
I a mon pare no pas gaire, rossignyol
D'un bel bocatge, rossignyol
D'un vol.

Perque m'ha mal maridada, rossignyol
A un pastor ma n'ha dada, rossignyol
D'un bel bocatge, rossignyol
D'un vol.

Que ern fa quardar la ramada, rossignyol
N'he parduta l'esquellada, rossignyol
D'un bel bocatge, rossignyol
D'un vol.

El vaquer me l'ha attrapada, rossignyol
Vaquer torna me'n la cabra, rossignyol
D'un bel bocatge, rossignyol
D'un vol.

Que me'n donnaras per paga, rossignyol
Un peto i una abraçado,rossignyol
D'un bel bocatge, rossignyol
D'un vol.

Aizo son coses de mainatge, rossignyol
Quan tenen pa volen formatge, rossignyol
D'un bel bocatge, rossignyol
D'un vol.

Missaghju

(Natale Luciani)

Tanta suffrenza
Spapersa in lu mondu
L'omu chì vole campà
A me speranza
In missaghju mandu
Quellu chì cerca à luttà.

Fratellu ormai
A to lotta hè mea
T'avvii mezu à l'avversità.
Cunnosci i guai
Per fà chì l'idea,
Splendi per a libertà.

Lacrima pura
Chì sbuccia surgente
A fiumara di l'unità
Forza sicura
Chì richjara a mente
Soffiu di a verità.

Passa una vita
Di gioia è di pena
Passu di fideltà
Parolla scritta
Chì sempre sumera
L'avvene, chì ne serà?

RICANTU

Cresce la voce
Sopra à le fruntiere
Purtendu a speranza quallà
Dannu veloce
Canzone straniere
Chjamendu a sulidarità

Vergogna à tè

(Ghj.P. Poletti)

Nant'à a piaghja luminosa
Di mullizzu suminata,
C'hè tanta ghjente accatastata
Nant'à a rena dulurosa.
Vergogna à tè chì vende a terra !

Quì ind'è u strangeru hà cumpratu
C'hè una casa vituperia,
Chì stupa nant'à a miseria
Di u to locu abbandunatu.
Vergogna à tè chì vende a terra !

In quelle campagne brusgiate
Più mancu un cane ùn abbaghja,
Magra trista la ghjandaghja
Canta è stagione malate.
Vergogna à tè chì vende a terra !

A rimigna in campusantu
Trà mez'à e tombe s'hè stese,
È di u tempu l'offese
Men'à u sguardu ogni tantu.
Vergogna à tè chì vende a terra !

È l'estate ti vede fieru
Sbarc'à mezu e to ruine,
Cù e manere parrighjine
Di l'omu senza pinseru.
Vergogna à tè chì vende a terra !

Ùn tornà più o traditore
Chì si ride di e mio pene,
U sangue di le to vene
Di u soldu hà lu culore.
Vergogna à tè chì vendi a terra !
Vergogna à tè chì vendi a terra !

A preghera

(F. James/Traduzzione di Ghj.Fusina/Georges Brassens)

Pè u zitellu in collu à mamma è chì si more
Quandu i cumpagnoli ghjocanu à l'amore
Sì l'acellu feritu, ùn sà mancu perchè
A so ala hè di sangue è tombu u so gudè
Pè la sete è la fame è tutti l'ohimmè
Vi salutu, o Marì.

Pè li ciucci minati è lu briacu tortu
Pè u sumere chì riceve i calci in corpu
Pè u nucente ch'hà la so vita inghjuliata
Pè a zitella persa quand'omu l'hà spugliata
Pè u figliolu ch'hà la so mamma insultata
Vi salutu, o Marì.

Pè la vechja sottu la soma ch'hà suffertu
È chjama à Diu sordu in paese disertu
Pè u malavviatu ch'ùn ebbe amore umanu
Pè u pesu di a croce à lu spinu cristianu
Pè u cavallu mortu à l'entre di u veranu
Vi salutu, o Marì.

Pè li quattru orizonti chì inchjodanu lu mondu
Pè quelli chì la so sperenza piglia fondu
Pè quellu ch'ùn hà pedi è quellu ch'ùn hà mani
Pè lu malatu chì pensa à tutti li sani
Pè lu ghjustu accusatu è lampatu à li cani
Vi salutu, o Marì.

Pè la mamma chì sà chì u figliolu hè vivu
Pè l'acellu chì chjama u s'acellucciu à u nidu
Pè l'erba ch'hà la sete è chì piglia l'acquata
Pè u ritimu chì un soldu s'hà truvatu
Pè lu to basgiu persu, è per l'amore datu
Vi salutu, o Marì.

Citadella da fà

(Ghjacumu Fusina/Natale Luciani)

À mezu à la rena di u disertu
Nantu à una spianata è à l'apertu
Mediteghjalu puru u gestu offertu
Tù chì voli murà
A petra di l'avvene
Citadella da fà
Di speme per dumane

U nimicu circonda li to lochi
È ne vedi ogni tantu li so fochi
Chì ti facenu a spia s'è tù ghjochi
Tù chì voli pisà
La to casa di mane
Ùn ti manca da fà
Pè le strade suprane

Chì tuttu hè scambiu è leia trà di noi
Trà la guerra è la pace ch'è tù godi
È capiscimi avale s'è tù poi
Tù chì voli sallà
L'amicizia di pane
Cù lu snague à metà
Di fraiata di cane.

Ti sente sopr'à l'osse a pelle macca
Quand'ì tù stringhji li to pugni in stacca
L'ochji fissi nant'à la negra tacca
Tù chì voli fighjà
U celu di dumane
È ci voli caccià
Tutte l'idee vane

Ma dorme ùn poi più, ùn dorme mai !
È rifletti à quesse le veritai
Chì t'avvinghjeranu tantu oramai
Tù chì voli crepà
Tutte le forze arcane
Quelle di l'aldi là
Inseme à le terrane.

Sonniu

(Natale Luciani)

Stendi la to manu o giuventù
Strappendu u velu di schjavitù
Per fà chì dumane
Schiarisca e funtane
Di la vita.

Poni lu to sguardu o giuventù
Nantu à tanti valori è virtù
Per fà di l'amore
Lu più bellu fiore
Di la vita.

RICANTU

Sonniu di tanta sperenza
Chì disceterà
Un'aria di libertà
Forza di tanta credenza
Chì sustenerà
E ragione di luttà.

Apri lu to core o giuventù
Sopra à la miseria, nant'à
Tutta a natura sana
Chì move è s'inganna
Per la vita.

Fà chì la to voce o giuventù
Oramai ùn si taci mai più
Di mughjà più forte
Sopra à tante lotte
Per la vita.

Haika mutil

(Tradiziunale Bascu)

Haika mutil, jeiki hadi,
Argia den mara hadi !
Bai, nausia, argia da,
Gur oilarra kampoan da.

Haika mutil, jeiki hadi,
Kampoan zer den mira hadi !
Bai, nausia, e'urra da;
Lurra xuriz zatali da.

Haika mutil, jeiki hadi,
Hortxat zer den mira hadi
Dai, nausia, hairer da
Gure isia idelia da.

Haika mutil, jeiki hadi,
Ber oinon den mira hadi !
Bai nausia egia da
Tutilto han na hatu da.

Scalanu

(P. Rocca/Cristofanu MacDaniel)

Ghjunghjenu trenta vascelli
À quattru file d'archere
Da li poghji à le custere
S'accoglienu li zitelli
E donne è li vechjaconi
Cun e misge è li piloni
Ghjunghjenu trenta vascelli.

Pianu sguilla lu marinu
Lindu è dolce cum'è mele
È ne sò piene le vele.
Da li pasciali avvincinu
Ne fala tamantu frombu
Sona à più pudè culombu
Pianu sguilla lu marinu.

Avà rughjanu i cannoni
Annant'à li bastimenti
Si sentenu ghjuramenti
Cummandi, urli è brioni
Collanu da sott'à foce
Ci sò chì facenu e voce
Avà rughjanu i cannoni.

In li vechji campanili
Tintineghja u battifocu
Omi n'affaccà in ogni locu
Cun carchere è cun fucili
Lampati nant'à l'armone
Pienghjuleghjanu e ciccone
In li vechji campanili.

Lettera a Nicoli

(Ghj.P. Poletti/D. Gallet)

Eramu in lu quaranta trè
U focu era universale
Arriti s'eranu tant'omi
Daret'à la fiama nustrale
Rispundendu à la to chjama
Cù lu Fronte Naziunale.

Tutt'ognunu s'era addunitu
Contr'à quel'indegnu macellu
Più di un giuvanottu arditu
È donne, i vechji è li zitelli
Sottu à la bandera libera
Quella di li corsi ribelli.

Di a libertà di u mondu
Ne fusti un bellu sullatu
Contr'à e milizie fascite
S'hè spentu fieru lu to fiatu
Quand'una matina d'aostu
Tù morsi degnu è rivultatu.

Da e cime valle à e piane
Chjuccavanu tante ciccone
A rivolta fù pruclamata
Intornu à lu vechju fucone
È in un frombu di fucile
Fù salvata a vechja Nazione.

Eu quandu vegu l'inghjustizia
Cum'elli à ci volenu impone
Quantu mi pare sempre viva
Quella lettera testimone
Chè tù c'hai lasciatu un ghjornu
In lu fondu di a to prigione.

Oghje u to populu hè sempre in lotta
Per una causa universale
Hè sempre rittu u to figliolu
Rossa hè la fiama nustrale
Chì schjarisce la strada nova
Di u Fronte Naziunale.

Dio ti salva Maria

(Tradiziunale Sardu "A lira sacra")

Dio ti salvi Maria
Chè sei di grazia piena
È di grazia la vena è la sorgente,
È di grazia la vena è la sorgente.

Il tuo signore potente
È tecco sempre stato
Perchè t'hà preservato immacolata,
Perchè t'hà preservato immacolata.

Benedetta sei statta
Frà le donne gloriosa
E madre, e figlia, e sposa del signore,
E madre, e figlia, e sposa del signore.

Sia benedetto il fiore
È il frutto del tuo seno
Gesu fior nazzareno è signor nostro,
Gesu fior nazzareno è signor nostro.

Pregate il figlio vostro
Per noi gran peccatori
Acciò chè i nostri errori à noi perdoni,
Acciò chè i nostri errori à noi perdoni.

La sua grazia ci doni
Invita, e nella morte
È la felice sorte in paradiso,
È la felice sorte in paradiso.

Scorsa la vita

(Ghjacumu Fusina/Natale Luciani)

Hè natu un fiore ghjallu
In chjosi di virdura
È nisun'ùn hà primura
D'innuchjallu.

Hè natu un pesciu è pare
Culuritu di gioia
Caccia à l'acqua la noia
Di u mare.

Scorsa la to vita
Cum'è ventu
Si n'hè sparita
Si n'hè finita
Hè firmatu spaventu
È la mio vita
Ferita

Hè natu angusciosu
Dubitu in la mio mente
Chì st'anima ùn risente
Riposu.

Hè natu un pecurellu
Ind'è l'altu pascile
Vicinu à un fucile
Di pasturellu.

Sò nati centu zitelli
À tempu à lu veranu
Ma di a so vita elli
Chì feranu ?

Scorsa la to vita
Cum'è u ventu
Si n'hè sparita
Si n'hè finita
Hè firmatu spaventu
È la mio vita, ferita.

A fiaccula di a vita

(Ghj.T. Rocchi)

U locu di u nostru amore
Intaccatu da l'oppressore
E strade tante vene aperte
Da dissuchjacci forze è arte
Ci avia da tuccà lu spiombu
D'un populu vintu è pò tombu

Fà ch'in la memoria cumuna
Fiaccula ci n'hè sempre una
Quella di u vulè campà
Porta u nome resistenza
Nè falzità nè viulenza
Nunda l'hà pussuta smattà

Steminatore industriatu
À nigacci ancu u passatu
Lestru à carcacci di difetti
À spezzà pensamentu è detti
Ci avia da tuccà lu spiombu
D'un populu vintu è pò tombu

Fà ch'in la memoria cumuna
Fiaccula ci n'hè sempre una
Quella di u vulè campà
Porta u nome resistenza
Nè falzità nè viulenza
Nunda l'hà pussuta smattà

Fà ch'in la memoria cumuna
Fiaccula ci n'hè sempre una
Di u vulessi liberà
Porta u nome indipendenza
Nè falzità nè viulenza
Nunda la puderà smattà,
Nunda la puderà smattà.

Haut de page