THÉÂTRE DE LA VILLE
Voce muntagnole
(Parolle di Santu Casanova/Musica tradiziunale)
Vurria chì la mè voce
Trapanessi ogni muntagna.
Ch'ella ghjugnissi in Niolu
Risunà per la Balagna.
Ch'ella varcassi lu mare
È le fruntiere di Spagna.
Arrietta
(Parulle:D.Versini/Musica:Ghj.P.Poletti)
Quand'ella canta in mè quell'aria languente
Naviga in dolci mari la me fantesia
Di l'albe chi ùn sà più risplende la magia
Tutta la giuventù si leva è m'hè prisente
Correnu dananzu à l'ochji meravigliati
Catene di monti turchini à l'infinitu
Pinete è valdi cupi è machjetu fiuritu
Calanche è scogli da lu mare flagilati.
Scopru à li fianchi d'una sarra appiticate
Accolte a brada cume capre in lu piazzile
Di tondu à la chjesola cù lu campanile
Casarelle di petra nuda musgingate.
È l'ora calma induve lu cansa lu ghjornu
A campanella chi chjocca l'Ave Maria
I campagnoli sparsi invitu à lu ritornu
A banda di le sgiotte affulena la via.
U sole s'hè ciuttatu una ghitarra sona
Un'ardita brunetta affacca à lu purtellu
È lampa un carofulu rossu à lu zitellu
Innamuratu chi li canta la canzona.
Festa zitellina
(Parulle Ghj.Ghjaseppu Franchi / Musica:Ghj.P.Poletti/P.Gattaceca)
À passi di ghjatta
A neve s'aguatta
È piglia è sì piatta
In ogni furcò.
Piove piove latte
V'aggranca le patte
Ci hè pocu à scumbatte
O sgiò calafrò.
Si vede sumeri
Arechji in pinseri
Umbrosi mazzeri
Pè 'ssi cacciarò.
Sò fatti à frisgetti
I nostri fussetti
Sò in biancu li tetti
Chì bella staghjò.
Evviva li stracci
Prestu à vultulacci
Ingrati zitellacci
-Perchè o Babbò?
U ventu sculiscia
Lascendu una striscia
Di bambace liscia
Soprà li machjò.
U ventu rumena
U celu sumena
L'angoscia è la pena
Di l'omi maiò.
Mal'cunciliu
(Ghj.P.Poletti)
Tù si l'alburu di lume
È ne veni da luntanu
Tù si lu tonu e lu fiume
È Lesia chi canta pianu
Tù si l'errante d'amore
Chi camina in la muntagna
Tù si l'omu chi si more
Quandu fala l'ombra pagna
È quandu a notte ti porta
E voce di Torremorta
È chi u cantu di l'onda
Colla da a terra prufonda.
Tù si l'alburu di sognu
Scurticatu da lu ventu
Tù si anghjulu o demoniu
A carezza o lu spaventu.
Tù si gioia o dulore
Ma cun tè mi meravigliu
Sò natu in lu to furore
Mal cunciliu
A palatina
(Tradiziunale)
Cinta è bella la carchera
I battaglioni maiori
Sò falati à corri corri
Lu cuntrastu scuppierà
Da l'imbrogliu furesteru,
Oghje o mai s'escerà.
Ricantu:
Or fate sventulà sta chjoma,
Chi tantu sott'à la soma,
Per cent'anni ùn si hà da stà,
Da lu pughjale à la marina
Cantate la Palatina
È lu piombu salterà.
Per lu Capu Naziunale
Appruntate li truffei
I furdani à sei à sei
Anderanu à tumbulà
È dumane à lu Cunventu
U vulemu incurunà.
Ricantu
Avanti la nostra ghjente
Spunta l'alba è s'avvicina
A la Corsica Regina
Gloria per l'eternità.
A la Corsica Regina
Gloria per l'eternità
Ricantu
Barbara furtuna
(Tradiziunale/Paghjella)
O Barbara furtuna, sorte ingrata
À tutti ci ammollisce il cor in pettu
Pensendu à quella libertà passata.
Hè pur ghjuntu quellu ghjornu, di funestu,
D'abbandunà piacè per li turmenti,
O Diu! chì tristu ghjornu hè per mè questu!
Addiu Corsica, madre tantu amanta,
Nel separar di tè senza ritornu,
O chì dulor nell'anima scunsulata.
Surella d'Irlanda
(Parolle è musica:Ghj.P.Poletti)
S'hè infiarata la mio rima chi n'aghju tamanta pena
Hè scritta nant'un giurnale a disgrazia chi ti mena
Ti casticheghja l'Inglese chi ti strigne la catena
Surella d'Irlanda.
Sò figliola di sta terra è aghju listessa sorte
La mio prigione hè francese è mute sò le so porte
È l'ordine culuniale mi hà cundannatu à morte
Surella d'Irlanda.
È to notte sò di sangue è ammantate di dolu
Quandu ghjunghje la mitraglia qual'hè ch'ùn si sente solu
Una sera in Bastia m'anu pigliatu un figliolu
Surella d'Irlanda.
Paura ùn ne cunniscia chi figliolu era d'onore
Ma quandu l'anu intravatu s'hè strappatu lu mio core
Ma francaraghju lu mare per sparghje lu mio terrore
Surella d'Irlanda
Un ghjornu ci scriveremu quandu a pace turnerà
Quandu a mente sarà sciolta per pudecci abbraccià
È stu mondu d'inghjustizia ghjurgu ch'ellu cascherà
Surella d'Irlanda.
Ci hè dinù
(Ghj.Fusina/Ghj.P.Poletti)
Ci hè dinù tanti paesi strangeri
Fratelli di la briglia è di l'umbasti
Chì traccianu l'idee è li cuntrasti
Sgracinendu cullane di penseri
Ci hè dinù tante razze malavviate
Surelle di l'albore culuritu
Chì piglianu la strada è lu partitu
Di cio chi ci leia à le storie andate.
Ricantu:
Ci sò tutti quessi è po ci sò eo
È lu so passu novu hè dinù meo.
Ci hè dinù tanti populi malati
Fratelli di la frebba è lu dulore
Chì cantanu li so guai affanati
Cù lu vechju suspiru di l'amore
Ci hè dinù tante forze liberate
Surelle di lu mondu chi s'avvia
Vive, è da tante mane purtate
Chì ci mettenu in core l'allegria.
Ricantu
Ci hè dinù tanti associ per furtuna
Fratelli di l'ochji aperti à lu sole
Indiati cum'è squadre di fole
D'ùn vulè più esse cechi à la funa
Ci hè dinù tante voci discitate
Surelle di a fede è di a salvezza
Chì portanu à l'avvene a so carezza
È valenu più ch'è le fucilate.
Ricantu
Vogliu scrive u to nome
(Parolle: Ghj.P.Ristori/Musica Ghj.P.Poletti)
Sopr'à e porte di e scole
Nentru à i libri ind'è fole
U to nome in ogni locu
Sbuccia in lettare di focu
Libertà !
Sopr'à u volu di l'acellu
Ind'è u sguardu di u zitellu
Per l'orfagnu inghjuliatu
Per u vechju abbandunatu
Libertà !
Per e surgenti cristalline
Ind'è e piove di e muline
Intornu à l'aghja à u piazzile
À u fucone à u casgile
Libertà !
Nant'à e neve di Ritondu
Sopr'à u mare prufondu
E petre di l'alte cunfine
I rinaghji di e marine
Libertà !
Per u cuccu è u culombu
Per a chjama è u ribombu
Per u fiore muntagnolu
U secretu machjaghjolu
Libertà !
In l'anticu campusantu
Cù a santa croce accantu
In cima di u campanile
Nant'à u ceppu di u fucile
Libertà !
Sopr'à Tavignanu è Golu
Sparghji in fine lu to volu
Per u solcu per a terra
Per a lingua è a bandera
Libertà !
Poi per ogni patriottu
Oghje incarceratu à tortu
Per ogni generazione
Di a Corsica Nazione
Libertà !
Paghjella di Ponte Novu
(Canta u populu corsu/Tradiziunale versu di castiglioni)
S'è tù passi per isse sponde
Pensa a salutà la croce
Qui sò cascati l'Antichi
Cantendu ad alta voce
Per difende a Liberta
Contr'à u francese feroce.
Paghjella
Ghjennaghju
(Parulle:Ghj.Thiers/Musica:Ghj.P.Poletti)
Un ghjornu singhjuzzava a vigilia bughjura
I carrughji attuniti cuntavanu i so morti...
Tandu entre u pastore cum'è battelli à i porti
Calmi è s'indinoghja è sdrughje a paura.
Prega à core scioltu è si sparghje l'amore
S'hè zitta ancu l'aria aspettendu a chjama
Di a voce porta pace chì tutta a ghjente abbrama
S'hè piatta ancu a zerga è parla u signore.
"Statu onniputente tù chì stai in l'imperu
Di forze accanite è di ferru è di focu
Lacami sti figlioli è lacami stu locu
Ùn mandà più saette contr'à u so addisperu.
Ùn parlemu di lege è guardemu li dritti
Si sò pisati tutti contr'à a to inghjustizia
Di mani è di voce ne cresce una divizia
Schizzerà torna u sangue sè tù ùn li lachi arritti..."
Ma queste ùn sò voce chì sente a preputenza
Hè debbule u Signore in pettu à u statu petra
I fiumi impauriti correnu à l'ombra tetra
Di a guerra chì rinnova quell'antica viulenza.
Amicu ci si tù
(Ghj.Fusina/Ghj.P.Poletti)
Amicu ci sì tù chì ci porghji la manu
Quandi u ventu gira ind'u celu isulanu
Quandi u sensu spira ind'u cerbellu umanu
Amicu ci sì tù.
Amicu ci sì tù chì ci porti penseru
Quandi u morsu stringhje di ferru furesteru
Quandi l'ochju dinnera da lu vechju addisperu
Amicu ci sì tù.
Amicu ci sì tù chì copri lu dulore
Quandi a brusta ghjala u focu di l'amore
Quandi a fede cala in core traditore
Amicu ci sì tù.
Amicu ci sì tù chì ci apri le porte
Quandi l'idea more nantu à le strade torte
Quand'ellu sbuccia un fiore cum'è sognu di morte
Amicu ci sì tù
Amicu ci sì tù chì ci dai speranza
Quandi a vita cagna ci tomba fratellanza
Quandi a terra cara si sfuma in la partenza
Amicu ci sì tù.
Amicu ci sì tù chì ghjetti lu mandile
Quandi u tempu vene d'ùn esse più ghjentile
Quand'ella vene l'ora d'ùn esse più civile
Amicu ci sì tù.
Quandi a terra move
(Parolle:Ghj.Fusina/Musica:Ghj.P.Poletti)
Quandi a terra move
Sott'a la sciappitana
Di corsica luntana
Mi vogliu avvicinà
Sentu chi l'aria trema
Ch'ellu mughja lu mare
Avà si chì mi pare
Stu ventu girerà
Issa terra hè la nostra
Nisun ci pò pretende
Ormai ùn hè à vende
Ùn vale à pattighjà
Ci sò nati l'Antichi
Dapoi la Filitosa
La vulemu fà sposa
Quella so libertà
Sona lu vechju cornu
Sopra lu mondu novu
Per mettelu à u provu
L'amore di quallà
E imbrusche sò in lu saccu
Chi la mio manu ùn tremi
Chjunti à li punti stremi
A scelta si farà
Simu l'eredi ghjusti
Di corsica straziata
Corsica marturiata
Ti vulemu aiutà
Dio vi salvi regina
(Tradiziunale)
Dio vi salvi, Regina
E Madre universale,
Per cui favor si sale
Al paradiso.
Voi siete gioia è riso
Di tutti i sconsolati
Di tutti i tribolati
Unica speme.
A voi sospira è geme
Il nostro afflito core,
In un mar di dolore
E d'amarezza.
Maria, mar di dolcezza,
I vostri occhi pietosi,
Materni ed amorosi
A noi volgete.
Noi miseri accogliete
Nel vostro santo velo,
Il vostro figlio in celo
A noi mostrate.
Gradite ed ascoltate,
O Vergine Maria
Dolce, clemente è pia,
Gli affetti nostri.
Voi, dai nemici nostri,
A noi date vittoria,
E poi l'eterna gloria
In paradiso.
Allegria
(N.Luciani)
Un sguardu zitellinu chi si sveglia
Scuprendu l'alba chjara di fraternità
Una strinta di manu maraviglia
L'amicizia frà l'omi per l'eternità
Cantu chi sparghje l'ale via via
Supranendu e campagne empiendu e cità
Tanti culori tant'allegria
D'una vita rinnova chi principia avà.
Ricantu:
Vene venerà quellu ghjornu
Vene vene venerà
Quellu mumentu chi per tè
Serà benestà
Torne tornerà una stonda
Torne torne tornerà
Quell'allegria cumuna di la libertà.
Un sguardu zitellinu chi si sveglia
Scuprendu l'alba chjara di fraternità
Una strinta di manu maraviglia
L'amicizia frà l'omi per l'eternità
Ricantu
|
